ललितपुर l नेपाली कांग्रेसको केन्द्रीय कार्यसमितिको बैठक आगामी चैत्र ६ गते शुक्रबार बस्ने भएको छ । पार्टीको केन्द्रीय कार्यालय बी.पी. स्मृति भवन, बी.पी. नगर ललितपुरमा दिउँसो १:०० बजे बैठक आह्वान गरिएको हो ।
केन्द्रीय कार्यालयद्वारा जारी सूचनाअनुसार बैठकमा केन्द्रीय कार्यसमितिका पदाधिकारी, सदस्यहरू तथा प्रदेश सभापतिहरूलाई अनिवार्य रूपमा उपस्थित हुन अनुरोध गरिएको छ ।
कार्यवाहक मुख्य सचिव कृष्णप्रसाद दुलालद्वारा जारी सूचनामा पार्टीका महत्वपूर्ण समसामयिक विषयहरूमा छलफल हुने अपेक्षा गरिएको जनाइएको छ ।
बैठकले संगठन सुदृढीकरण, समसामयिक राजनीतिक अवस्था र आगामी रणनीतिका विषयमा निर्णय लिन सक्ने बताइएको छ । पार्टीभित्र आन्तरिक छलफल र नीतिगत स्पष्टताको आवश्यकता बढिरहेका बेला बोलाइएको यो बैठकलाई महत्वपूर्ण रूपमा हेरिएको छ ।
