काठमाडौं । सम्माननीय राष्ट्रपति रामचन्द्र पौडेलले संघीय संसद्को दुवै सदनको अधिवेशन आगामी चैत्र १९ गते बिहीबार दिउँसो २ बजेका लागि आह्वान गर्नुभएको छ।
राष्ट्रपति कार्यालय महाराजगञ्जद्वारा सोमबार जारी विज्ञप्तिअनुसार नेपालको संविधानको धारा ९३ को उपधारा (१) बमोजिम नेपाल सरकार मन्त्रिपरिषद्को चैत्र १६ गतेको सिफारिसमा उक्त अधिवेशन बोलाइएको हो।
आगामी अधिवेशन संघीय संसद भवन, सिंहदरबारमा बस्नेछ। अधिवेशनमार्फत सरकारका नीति, कार्यक्रम, विधेयक तथा समसामयिक राजनीतिक विषयहरूमा छलफल हुने अपेक्षा गरिएको छ।
विज्ञप्तिमा प्रवक्ता रितेशकुमार शाक्यले उक्त जानकारी दिनुभएको हो।
