कपिलवस्तु । कपिलवस्तुको शिवराज नगरपालिकाका २ महिला स्वास्थ्यकर्मीलाई स्वास्थ्य केन्द्रका प्रमुख लेखनाथ पौडेलले यौन दुर्व्यवहार गरेको आरोप लागेको छ। गत शुक्रवार राति शिवराज नगरपालिकाले सञ्चालन गरेको आधारभुत स्वास्थ्य केन्द्रमा प्रमुख लेखनाथ पौडेल र उहाँका साथी सोही नगरपालिका वडा नम्बर ३ का भुवन पाण्डेयले ती दुई महिला स्वास्थ्यकर्मी माथी यौन दुर्व्यवहार गरेको आरोप लागेको हो।
रात्री डिउटीमा खटिएका ती महिला कर्मचारीलाई पौडेल र पाण्डेयले मदिरा सेवन गरी शुक्रवार राति १ बजे यौन दुर्व्यवहार गरेको भन्दै महिला कर्मचारीहरुले उजुरी दिएका छन्। पौडेल र पाण्डेयले महिला कर्मचारीलाई कपडा खोल, यहाँ सुत लगायतका बोल्दै अभद्र ब्यवहार गरेको बताईएको छ। प्रमुख पौडेलबिरुद्ध महिला कर्मचारीहरुले शिवराज नगरपालिकामा लिखित उजुरी दिएको प्रमुख प्रशाकीय अधिकृत राकेश पाण्डेले बताउनु भएको छ । महिला कर्मचारीहरुले दुर्व्यवहार, अपशब्द प्रयोग गरिएको, सुरक्षा र न्यायकालागि पौडेलबिरुद्ध उजुरी दिएको जनाईएको छ ।
अहिले आरोपित पौडेल र पाण्डेय सम्पर्क विहिन रहेका छन्। सो नगरपालिकाका मेयर अजय थापाले सत्यतथ्य छानबिन गरि दोषीलाई कानुनी दायरामा ल्याउने प्रतिबद्धता ब्यक्त गरका छन्। मेयर थापाले घटनासंग नाम जोडिएका स्वास्थ्यकर्मीहरुलाई तत्काल जिम्मेवारी बाट हटाई अनुसन्धान कार्यलाई अधि बढाइएको बताउनु भएको छ। ‘ महिला माथी हुने कुनै पनि प्रकारका हिंसा साह्य छैन ’ उहाँले भन्नुभयो। घटना पछि पीडीत महिला कर्मचारीहरु मानसिक तनावमा रहेका छन्।
२ महिला स्वास्थ्य कर्मचारीलाई यौन दुब्र्यवहार गरेको भन्दै कपिलवस्तुको शिवराज स्वास्थ्य आधारभुत स्वास्थ्य केन्द्रका प्रमुख लेखनाथ पौडेल माथी जबरजस्तीकरणी उद्योग मुद्दा दर्ता भएको गरिएको छ ।
वडा प्रहरी कार्यालय चन्द्रौटाका प्रहरी निरिक्षक शेखर जंग मल्लले आईतवार साँझ पौडल र उनका साथी नगरपालिका वडा नम्बर ३ का भुवन पाण्डेयमाथी जबरजस्तीकरणी उद्योगको मुर्दा दर्ता भएको जानकारी दिनु भएको छ । यौन दुब्र्यवहारको आरोप लागे पछि स्वास्थ्य केन्द्रका प्रमुख पौडेललाई नगरपालिकाले आईतवार नै जिम्मेवारीबाट हटाएको छ ।
