काठमाण्डाै – गृहमन्त्री सुधन गुरुङले आज नारायणगढ–बुटवल सडक खण्डको अनुगमन गर्नुभएको छ ।
अनुगमनका क्रममा गृहमन्त्री गुरुङले सम्बन्धित निकाय र ठेकेदार कम्पनीलाई निर्धारित समयमै काम सम्पन्न गर्न निर्देशन दिनुभयो । उहाँले काममा ढिलासुस्ती स्वीकार्य नहुने बताउनुभएको छ ।
काममा ढिलाइ भएको विषयमा गृहमन्त्री गुरुङले चिनियाँ ठेकेदार कम्पनीको ध्यानाकर्षणसमेत गराउनुभएको छ । उहाँले काम समयमा सम्पन्न नगर्दा यात्रुहरूले सास्ती भोग्नुपरेको, दैनिक आवागमन प्रभावित भएको र दुर्घटनाको जोखिम बढेकाले यस्तो अवस्थाको चाँडो अन्त्य गर्न निर्देशन दिनुभएको हो ।
निर्माण कम्पनीका प्रतिनिधिले अबको १५ दिनभित्र सडक निर्माण सम्पन्न गर्ने प्रतिबद्धता व्यक्त गरेका छन् ।
