काठमाण्डौ - काठमाण्डौ महानगरपालिकाकी कार्यवाहक मेयर सुनिता डंगोलले महानगरभित्रका नदी किनार र सार्वजनिक क्षेत्रमा रहेका अनधिकृत संरचना हटाउने कार्यमा मानवीय पक्षलाई विशेष ध्यान दिइने बताउनुभएको छ ।
सामाजिक सञ्जालमार्फत् उहाँले अनधिकृत संरचना हटाउने प्रक्रियामा मानव अधिकारको न्यूनतम मूल्य मान्यतालाई आत्मसात् गरिने प्रतिबद्धता जनाउनुभएको हो ।
उहाँले सार्वजनिक, सरकारी र सामुदायिक जग्गाको संरक्षण गर्दा सरकारलाई महानगरको पूर्ण सहयोग हुने उल्लेख गर्नुभएको छ ।
डंगोलले सार्वजनिक सम्पत्तिको संरक्षण गर्ने यो महत्त्वपूर्ण अभियानमा आवश्यक सहयोग र समन्वय गर्न सरोकारवाला सबै निकाय, पदाधिकारी र सर्वसाधारणमा अपिल समेत गर्नुभएको छ ।
