काठमाडौं l प्रधानमन्त्री बालेन्द्र शाहले वरिष्ठ चिकित्सक तथा चिकित्सा शिक्षाविद् प्रा.डा. जगदीश प्रसाद अग्रवाललाई आफ्नो अवैतनिक स्वास्थ्य सल्लाहकारमा नियुक्त गरेका छन्।
मंगलबार बसेको मन्त्रिपरिषद् बैठकले अग्रवाललाई उक्त जिम्मेवारी दिने निर्णय गरेको हो। पूर्व डीनसमेत रहेका अग्रवालले त्रिभुवन विश्वविद्यालय, चिकित्सा शास्त्र अध्ययन संस्थान (आईओएम) जस्तो प्रतिष्ठित संस्थाको नेतृत्व सम्हालिसकेका छन्।
स्वास्थ्य क्षेत्रको दीर्घ अनुभव र विशेषज्ञताका आधारमा उनलाई प्रधानमन्त्रीको सल्लाहकारमा नियुक्त गरिएको बताइएको छ। प्रधानमन्त्रीका प्रेस सल्लाहकार दीपा दाहाल का अनुसार, अग्रवालको नियुक्तिले मुलुकको स्वास्थ्य नीति, सेवा सुधार र प्राविधिक मार्गदर्शनमा महत्वपूर्ण योगदान पुग्ने अपेक्षा गरिएको छ।
विशेष कुरा के छ भने, डा. अग्रवालले राज्यबाट कुनै पनि पारिश्रमिक वा सुविधा नलिई पूर्णतः सेवाभावले आफ्नो विज्ञता प्रदान गर्ने प्रतिबद्धता व्यक्त गरेका छन्।
यसले सरकारी सल्लाहकार भूमिकामा नैतिकता र सेवा भावनाको नयाँ उदाहरण प्रस्तुत गरेको रूपमा हेरिएको छ। सरकारले स्वास्थ्य क्षेत्र सुधारका लागि अनुभवी र दक्ष व्यक्तित्वलाई समेट्ने प्रयासस्वरूप यो नियुक्ति गरेको बुझिएको छ।
