पाल्पा । पाल्पामा झुण्डिएको अवस्थामा दुई जनाको शब फेला परेको छ । जिल्ला प्रहरी पाल्पाका अनुसार फरक फरक स्थानमा झुण्डिएको अवस्थामा दुई जनाको शब फेला परेको हो ।
प्रहरीले साउन १६ गते मंगलवार रैनादेवी छहरा–५ अधेरी खोला घर भई बिगत ६/७ बर्ष देखि रिब्दिकोट– ७ मैनादि कटहरबारी स्थित छबिलाल नेपालको घर नजिकै रहेको खाली गोठमा एक्लै बस्दै आएको बर्ष ५४ को नेत्र प्रसाद पराजुली मृत अवस्थामा फेला परेको जनाएको छ ।
त्यस्तै साउन १७ गते बुधवार निस्दि–५ कठईडाँडा बस्ने बर्ष ७२ को दुर्गानाथ उपाध्याय घरबाट अन्दाजी ५०० मिटर पूर्व तर्फ आफ्नै बारीमा रहेको खनियाको रूखमा नाम्लोको डोरी लगाई झुण्डिएको अवस्थामा मृत फेला परेको प्रहरी नायव उपरीक्षक वीरेन्द्र थापाले जानकारी दिनुभयो ।
दुवैको शव शव पोष्टमार्टमको अस्पताल पठाईएको र उक्त घटनाबारे थप अनुसन्धान जिल्ला प्रहरी कार्यालय पाल्पाले जनाएको छ ।
