पाल्पा । पाल्पामा झुण्डिएको अवस्थामा एक जनाको शब फेला परेको छ । जिल्ला प्रहरी कार्यालय पाल्पाका अनुसार एक किशोरी झुण्डिएको अवस्थामा मृत फेला परेको हो ।
तानसेन नगरपालिका ६ देउपुजे घर भएका खेम विर कुमालकी छोरी १८ वर्षीय निरा कुमाल आफ्नै घरदेखी अन्दाजी ५० मिटर उत्तरतर्फ रहेको कुखुरा फर्मको भित्र सालको बलोमा प्लाष्टिकको पासो लगाई झुण्डि मृत अवस्थामा रहेको जानकारी प्राप्त हुनासाथ प्रहरी चौकी बर्तुङ र जिल्ला प्रहरी कार्यालय पाल्पाबाट प्रहरी अनुसन्धान अधिकृत सहितको टोली पुगेको प्रहरी नायव उपरीक्षक वीरेन्द्र थापाले जानकारी दिनुभयो ।
शवको पोष्टमार्टमको लागि अस्पताल पठाईएको र उक्त घटनाबारे थप अनुसन्धान भइरहेको जिल्ला प्रहरी कार्यालय पाल्पाले जनाएको छ ।
