बुटवल । धनबर्षा बचत तथा ऋण सहकारी संस्था बुटवलले आफ्नो १३ औ।स्थापना दिवसका बिभिन्न कार्यक्रम गरि सम्पन्न गरेको छ । संस्थाका अध्यक्ष नारायण ज्ञवालीको अध्यक्षतामा सम्पन्न शुभकामना आदान प्रदान तथा डस्विन हस्तान्त्रण कार्यक्रममा बोल्दै संस्थापक अध्यक्ष भोजबहादुर बुढाथोकीले बाहिरबाट आयातित सहकारीका कारण बेथिति बढेकाले सजक भएर अगाढी बढ्न आवश्यक रहेको बताउनुभयो ।
उहाँले आर्थिक सम्बृद्धिका क्षेत्रमा अब नयाँ बाटो पहिचान गरेर नयाँ तरिकाबाट जान आवश्यक रहेको औल्याउनुभयो । ब्यवस्थापक रचना पन्तले स्थापना दिवसका अवसरमा बुटवल अटोइन्जिनीएरिङ एसोसिएसनलाई १० वटा डस्विन हस्तान्त्तरण गर्नुका साथै हाजिरी जवाफ प्रतियोगिता लगायतका कार्यक्रम आयोजना गरेको जानकारी दिनुभयो ।
बुटवल अटो इन्जिनियरिङ एसोसिएनका अध्यक्ष तुल्सी राम न्यौपाने, नेपाल अटो मेकानिक्स ब्यवसायी महासंघका अध्यक्ष जनार्दन गैरे , उपाध्यक्ष राधाकृष्ण देउला, अटोइन्जिनीएरीङ एसोसिएसनका पूर्व अध्यक्ष प्रेम फौजदार, ज्योति भण्डारी, बाबुलाल पाण्डे, दिनेस पाण्डे, सञ्चारकर्मी दामोदर खनाल , सल्लाहाकार नवराज पौडेल, सचिव रमेश गुरुङ लगायतले बोल्दै सहकारीमा बेथिती बढेकाले सजक हुदै सहकारीलाई कृषि उत्पादनसंग जोड्न आवश्यक रहेको बताउनुभएको थियो ।
