कपिलवस्तु । कपिलवस्तुमा बिषादी च्याउ सेवन गर्दा एकै परिवारका ७ जना बिरामी भएका छन् । जिल्ला प्रहरी कार्यालय कपिलवस्तुका अनुसार मायादेवी गाउँपालिका–७,लालपुर निवासी एकै परिवारका ७ जनाको बिषादी च्याउ सेवनका कारण बिरामी भएका हुन् ।
बिरामी पर्नेहरुमा ४५ वर्षीय बिन्दु ठाकुर, २६ वर्षीय करण ठाकुर,२९ वर्षीय धर्मेन्द्र ठाकुर,२७ वर्षीय कुसुम ठाकुर, ४ वर्षीय अन्शिका ठाकुर,६ वर्षीय ज्योति ठाकुर र ३ वर्षीय सुशान्त ठाकुर रहेको जिल्ला प्रहरी कार्यालय कपिलबस्तुका सुचना अधिकारी तथा प्रहरी नायव उपरीक्षक मिन बहादुर घलेले जानकारी दिनुभयो ।
उनीहरुको जिल्ला अस्पताल तौलिहवा उपचार भई रहेको र बिरामी सबैको अवस्था सामान्य रहेको जिल्ला प्रहरी कार्यालय कपिलवस्तुले जनाएको छ ।
