सुजन न्यौपाने, अर्घाखाँची । २४औं अन्तर्राष्ट्रिय युवा दिवसको अवसरमा छत्रदेव गाउँपालिकाको सहयोगमा श्री सर्वोदय युवा क्लबको आयोजनामा छत्रदेव गाउँपालिकामा वक्तृत्वकला शनिवार सम्पन्न भएको छ । पालिकाभित्रका माध्यमिक तह स्तरीय विद्यालयहरुको सहभागीतामा युवा परिवर्तनका संवाहक शिर्षकमा वक्तृत्वकला भएको हो।
छत्रदेवका ५ वटा सामुदायिक र एउटा संस्थागत विद्यालय गरी ६ वटा विद्यालयहरु सहभागी भएका थिए । उक्त प्रतियोगितामा नेपाल राष्ट्रिय माध्यमिक विद्यालयकी छात्रा सदिक्षा थापा प्रथम, नेपाल शहिद मेमोरियल इङलिस बोडिङ स्कुलकी सुरक्षा सारु, द्वितीय हुँदा सरस्वती माध्यमिक विद्यालयकी सगुन श्रेष्ठ तृतीय भएका थिए।
छत्रदेव गाउँपालिकाकी उपाध्यक्ष मनि पन्थीको प्रमुख आतिथ्यतामा भएको कार्यक्रममा सोही पालिकाका प्रमुख प्रशासकिय अधिकृत भेषराज पन्थ लगायतले बोल्दै शिक्षासँगै विद्यार्थीहरु कितावी ज्ञानमात्रै नभएर अतिरिक्त क्रियाकलाप हुन जरुरी रहेको औल्याउनु भएको थियो । क्लवका अध्यक्ष नारायण पाण्डेको अध्यक्षतामा भएको कार्यक्रमको सहजीकरण क्लबका सदस्य गोकर्ण न्यौपानेले गर्नुभएको थियो ।
