काठमाडौं । तेश्रो एभरेष्ट राष्ट्रिय खुला तेक्वान्दो प्रतियोगिता २०८० पौष ७ र ८ गते चितवनको भरतपुरमा हुने भएको छ । कालिका नगर तेक्वान्दो डोजाङको आयोजनामा उक्त प्रतियोगिता हुन लागेको हो ।
प्रतियोगितामा सिनियर ईभेन्ट तर्फ पुरुष/महिला ७ वटा तौल समूह, जुनियर तर्फ ३ , क्याडेट तर्फ ४ र चिल्ड्रेन तर्फ ४ तौल समुहको प्रतिस्पर्धा हुने आयोजकले जनाएको छ । त्यस्तै पुम्सेतर्फ एकल, जोडी र समुहमा प्रतिष्पर्धा हुने आयोजक समिति संयोजक रमेश कार्कीले जानकारी दिनुभयो ।
प्रतियोगितामा प्रथम, दोस्रो, तेश्रो हुने टिमले क्रमशः १ लाख, ५० हजार, २५ हजार र उत्कृष्ट खेलाडी महिला पुरुषतर्फ क्रमशः १०–१० हजार तथा ट्रफी र प्रमाण पत्र प्रदान गरिने उहाँले बताउनुभयो । त्यस्तै पुम्सेमा प्रथम हुने टिमलाई रु.२०,००० र द्वितीय हुनेलाइ रु. १०,००० प्रदान गरिने आयोजकले जनाएको छ ।
उत्कृष्ट निर्णायकलाई १०/१० हजार २ जनालाई प्रदान गरिने र प्रतियोगिताको अनुमानित खर्च ३३ लाख ६० हजार रहेको आयोजक समिति संयोजक कार्कीले बताउनुभयो । सम्पुर्ण खेलहरु विश्व तेक्वान्दो महासंघको नियम अनुसार हुने उहाँको भनाइ छ ।
पुम्से विधाको खेलाडीहरुको ६ महिना भित्रको नेपाल तेक्वान्दो संघले प्रदान गरेको प्रमाण पत्रको फोटोकपी अनिवार्य पेश गर्नुपर्ने र सहभागी डोजाङ्ग तथा खेलाडीहरु नेपाल तेक्वान्दो संघमा दर्ता भएको हुनुपर्ने आयोजकले जनाएको छ ।
