अनिल नेपाली,अर्घाखाँची । नेपाल कम्युनिस्ट पार्टी जिल्ला समिति अर्घाखाँचीले सन्धिखर्कमा राष्ट्रघाती एमसिसी परियोजनाका विरुद्धमा जनप्रर्दशन कार्यक्रम गरेको छ । जनप्रर्दशन कार्यक्रमलाई सम्वोधन गदै नेपाल कम्युनिस्ट पार्टीका जिल्ला ईन्चार्ज खेम घर्ती माहुरीले एमसीसी नेपाली जनताको लागी नभई विदेशीको ईशारामा चल्ने शक्ति केन्द्रका अमेरिकी भक्तहरूले पास गरेको आरोप लगाउनुभयो ।
उहाँले एमसीसी कार्यान्वयन नहुने बताउदै त्यसको विरुद्धमा आम जनता सडकमा आउनु पर्नेमा जोडदिनुभयो । देश रहे मात्रै यहाँका पार्टी रहने भन्दै ठुला भनिएका हात्ती पार्टीहरु बिदेशीको इसरामा चलेको भन्दै कुनै पनि हालतमा एमसिसि कार्यान्वयन नहुने जिकिर गर्नुभयो । एक फरक प्रंसगमा नेता माहुरीले नेपाली जनता स्वाधीनताको पक्षमा राष्ट्रियताको पक्षमा रहेको बताउनुभयो ।
अर्घाखाँचीको सन्धिखर्कमा नेकपाले आयोजना गरेको जनप्रर्दशन कार्यक्रममा प्रहरीले हस्तक्षेप गरेपछि झडप भएको थियो । जनप्रर्दशनमा "जनतालाई एमसीसी चाहिँदैन,देश बेच्न पाईदैन" ठुलो राष्ट्र नभई स्वाधीन राष्ट्रको अनुभुति दिलाउनुपर्ने भन्दै नाराबाजी गरेका थिए ।
