रोल्पा।नेकपा परिवर्तन गाउँसमितिले एमसीसी विरुद्ध विरोध प्रदर्शन गरेको छ।आइतबार परिवर्तन गाउँपालिका-३ बागमारामा नेकपा कम्युनिस्ट पार्टी विप्लवको केन्द्रिय संघर्ष कार्यक्रम अन्तर्गत पश्चिम् रोल्पाको आयोजनामा बिरोध प्रदर्शन गरेको हो।
नेकपा केन्द्रिय प्रतिनिधि समिति सदस्य इरार्जन घर्ती सी,नेकपा केन्द्रिय समिति सदस्य तथा पश्चिम् रोल्पा जिल्ला सेक्रेटरी कुशल वली(सन्दिप)सी,नेकपा माडी गाउँपालिका समितिका इन्चार्ज अविरल बुढा सी,नेकपा परिवर्तन गाउँपालिका समितिका इन्चार्ज पृथ्वी डाँगी सी र नेकपा परिवर्तन गाउँपालिका समितिका सेक्रेटरी हिरालाल खड्का सी को नेतृत्वमा राष्ट्रघाती एमसीसी विरुद्ध बिरोध प्रदर्शन कार्यक्रम सम्पन्न भएको जनाइएको छ।
उक्त बिरोध कार्यक्रममा राष्ट्रघाती एमसीसी विरुद्ध बिरोध प्रदर्शन लेखेको कालो ब्यानर सहित १०-१५ जनाकाे समुहले हातमा रातो झन्डा बोकेर "राष्ट्रघाती एमसीसी खारेज गरौँ,गो व्याक अमेरिकका,एसपीपी चाहिदैन,वीर शहिद लाल सलाम, एकीकृत जनक्रान्ती सफल पारौ,राष्ट्रघाती सम्झौता खारेज गर,नेकपा जिन्दावाद"भन्ने नाराहरु लगाएका थिए।
बिरोध कार्यक्रमलाई सम्बोधन गर्दै कुशल वलीले साम्राज्यवादी दलालहरुले हाम्रो देशलाई लुट्न खोज्दैछन्,हाम्रो प्राकृतिक सम्पत्तिमा आँखा लगाउन खोज्दैछन् ।सोही अनुरुप नेपालमा एमसीसी परियोजना ल्याउन लागेको हो।हाम्रा देशका भष्ट्र दलालहरुले केही लोभमा परेर देश बेच्न लागिपरेका छन् उहाँले भन्नुभयो।
अब यो देश बचाउन राष्ट्रभक्त नेपालीहरु सडकमा आउनुपर्छ हामी चुप बस्यौं भने हाम्रा पुस्ताले नेपाली भएर वीर गोर्खाली भनेर बाँच्न पाउने छैन् उहाँले भन्नुभयो ।
नेकपा विप्लव पार्टीले गर्ने एकीकृत जनक्रान्तिले मात्र यो देश परिवर्तन हुने अभियानमा सहभागी हुन आग्रह गर्नुभएको छ।
