काठमाडौं । नेपाल प्रहरीले नक्कली फेसबुक आईडी बनाएर अश्लिल फोटो तथा भिडियो राखेर चरित्र हत्या गर्न खोजेको अभियोगमा एक जनालाई पक्राउ गरेको छ । पक्राउ पर्नेमा भक्तपुर जिल्ला,भक्तपुर – १४ बस्ने वर्ष २५ का सुसन चौगुठी रहेका छन् ।
उनले सामाजिक संजाल फेसबुकमा केटी साथीहरूलाई रिक्वेस्ट पठाई साथी बनाउने र प्रेमजालमा पारी विभिन्न बहानामा खिचिएका अश्लिल फोटो तथा भिडियोहरूको दुरुपयोग गरेको आरोप छ । नक्कलीआईडी मार्फत उक्त फोटो तथा भिडियो पीडितको आफन्तलाई समेत पठाएपछि प्रहरीले उनलाई पक्राउ गरेको हो ।
पक्राउ चौगुठीलाई विद्युतिय कारोवार ऐन, २०६३ अनुसार अनुसन्धान एवंम कारवाहीको लागी नेपाल प्रहरी प्रधान कार्यालय, साईबर ब्यूरोलाई पठाइएको छ ।
