तनहुँ । नेपाली कांग्रेसका केन्द्रीय सदस्य डा.शेखर कोइरालाले कांग्रेसलाई चौतर्फी आक्रमण भइरहेको बताउनुभएको छ । दमौली स्थित वीपी स्मृति भवनमा नेपाली कांग्रेस जिल्ला कार्यसमितिले आयोजना गरेको स्वागत कार्यक्रममा बोल्दै उहाँले यस्ता आक्रमणलाई परास्त गर्न सबै एक ढिक्का भएर लाग्नुपर्नेमा जोड दिनुभयो । 

उपनिर्वाचनमा विजयी हुन नसके पनि निराश हुनुपर्ने अवस्था नरहेको चर्चा गर्दै उहाँले  तनहुँ कांग्रेसको गढ भएको दाबी गर्नुभयो । डा.कोइरालाले “देशको आर्थिक, धार्मिक, सांस्कृतिक र   कूटनीतिक क्षेत्र सबैतिर समस्या देखिएको भन्दै यसको समाधानका लागि कांग्रेसको नेतृत्व सरकार नभएसम्म समाधान नहुने बनाउनुभयो । 

नेता कोइरालाले आगामी निर्वाचनमा कांग्रेस एक्लै चुनावी मैदान उत्रने गरी नेतृत्वले भूमिका निर्वाह गर्नुपर्ने बताउदै कांग्रेसलाई सशक्त बनाउनु नै अहिलेको आवश्यकता रहेको औल्याउनुभयो । जिल्ला बनाउनुका साथै देश बनाउने जिम्मेवारी अहिले तनहुँको नेतृत्वको काँधमा आएको उल्लेख गर्दै सदस्य भण्डारी कांग्रेस संवेदनशील भएर अगाडि बढ्नुको विकल्प नरहेको बनाउनुभयोे ।