काठमाडौं । नेपाली कांग्रेसका सह–महामन्त्री महेन्द्र यादव माथि भएको सांघातिक हमलालाई नेपाली कांग्रेसले गम्भीरतापूर्वक लिएको जनाएको छ । मुख्यसचिव कृष्णप्रसाद पौडेलले एक प्रेस विज्ञप्ति जारी गर्दै उक्त घटनालाई नेपाली कांग्रेसले घोर निन्दा र भर्सना गरेको जनाएको हो ।
जारी विज्ञप्तिमा आक्रमण गर्नेलाई जो कोही व्यक्ति वा समूह उपर गहिरो अनुसन्धान गरेर कडा भन्दा कडा कार्वाही गर्न नेपाली कांग्रेसले सरकारसँग जोडदार माग गरेको छ । काठमाडौँको भृकुटीमण्डपस्थित रिपोर्टर्स् क्लबको कार्यक्रमबाट बाहिरिने क्रममा यादवलाई गाडी चढ्न लाग्दा धारिलो हतियारबाट आक्रमण भएको थियो ।
आक्रमणबाट घाईते हुनुभएका उहाँको ट्रमा सेन्टरमा उपचार भइरहेको छ । उक्त घटनाका बारेमा प्रहरीले अनुसन्धान सुरु गरेको जिल्ला प्रहरी परिसर काठमाडौँले जनाएको छ ।
