पूर्वी युक्रेनको एक बजारमा रुसको आक्रमणमा परी १६ व्यक्तिको मृत्यु भएको छ । रूसले डोनेट्स्क क्षेत्रको कोस्ट्यान्टीनिभको शहरमा आक्रमण गर्दा सामान खरिदका लागि बजार गएका सर्वसाधारण मारिएका हुन् ।
आक्रमणमा एक बालकको समेत मृत्यु भएको अधिकारीहरूले जनाएका छन् । युक्रेनको गृह मन्त्रालयका अनुसार आक्रमणमा परी २८ जना घाइते भएका छन् ।
डोनेट्स्कमा अनुमानित ७० हजार मानिसहरूको बसोबास छ । उक्त क्षेत्र युद्धमा अग्रपङ्क्तिमा रहेको एक शहर हो । कोस्ट्यानटाइनिभका फेब्रुअरी २०२२ मा रूसले आक्रमण शुरु गरेदेखि युद्धको केन्द्रविन्दु बनेको छ। एजेन्सी।
