पाल्पा । जिल्ला प्रहरी कार्यालय पाल्पाले अवैध काठ बरामद गरेको छ । प्रहरीले अवैध रुपमा लुकाएर राखेको काठ बरामद गरेको हो ।
पाल्पा रामपुर नगरपालिका–१० बर्दले बस्ने लिला गाहाले सञ्चालन गरेको जनता फर्निचर उद्योगमा अबैध रुपमा सालको काठ रहेको भन्ने गोप्य सुचनाका आधारमा प्रहरी चौकी हुंगी र ईलाका प्रहरी कार्यालय रामपुरबाट प्रहरीको टोलीले खानतलासी गर्ने क्रममा ९५.०८ क्युफिट सालको काठ बरामद गरेको जिल्ला प्रहरी कार्यालय पाल्पाका प्रवक्ता तथा सुचना अधिकारी प्रहरी निरीक्षक सन्तोष चन्दले जानकारी दिनुभयो ।
प्रहरीले उक्त काठ नियन्त्रणमा लिई आवश्यक कार्वाहीको लागि सब वन डिभिजन कार्यालय रामपुर पाल्पामा पठाईएको जनाएको छ ।
