काठमाडौं । नेपाली कांग्रेसका नेता प्रकाशमान सिंहले सरकारले जनताको अधिकार सुनिश्चितताको लागि काम गर्नुपर्ने बताउनुभएको छ । मंगलबार गणेशमान सिंहको २६औं स्मृति दिवसको अवसरमा उनले सरकार र दलहरु मिलेर आर्थिक क्रान्तिलाई सफल पार्नुपर्ने बताउनुभएको छ ।
‘जनताको अधिकार सुनिश्चित हुनुपर्छ । र जनताको दैनिकी जीवन सहज हुनुपर्छ । जिविकोपार्जनको लागि सहज हुनुपर्यो यो सरकारले र दलहरुले यस्ता कार्यमा जोड दिनु पर्छ । ’ गणेशमान सिंहले जस्तै सुशासनको बारेमा र जनतालाई केन्द्रबिन्दुमा राखेर कार्यक्रमहरू अगाडि लानुपर्ने उहाँको भनाई छ ।
उहाँले विधिको शासन हुनुपर्छ भन्ने कुरालाई गणेशमान सिंहले निकै नै जोड दिएको उल्लेख गर्नुभएको छ । अवसर नपाएका वर्गलाई समावेश गरेर अगाडि लानुपर्ने उहाँको भनाई छ ।
