रोल्पा l राष्ट्रिय स्वतन्त्र पार्टी (रास्वपा) का सभापति रवि लामिछाने रोल्पा आउनु भएको छ । सभापति लामिछानेले जिल्लाका विभिन्न स्थानमा पार्टी कार्यकर्ता तथा शुभचिन्तकहरुलाई भेट्ने कार्यक्रम रहेको रास्वपाका जिल्ला संयोजक रमेश थापाले जानकारी दिनु भयो । 

सभापति लामिछानेले आज पूर्वी रोल्पाको सुलिचौरमा स्थानिय पार्टी कार्यकर्ता तथा शुभचिन्तकलाई भेट्नु भएको छ ।सुलिचौरको कार्यक्रम सकेर उहाँ सदरमुकाम लिबाङ आईपुग्नु भएको छ । लिबाङमा पार्टी कार्यकर्ता तथा शुभचिन्तकसँग भेटघाट समेत गर्नुभएको छ ।

लिबाङको कार्यक्रम सकेपछि पश्चिम रोल्पाका गाउँ जाने कार्यक्रम रहेको छ।लामिछाने बुधबार बिहान घर्तिगाउँ हुँदै पश्चिम रोल्पाको मुख्य व्यापारिक केन्द्र बागमारा, परिवर्तन गाउँपालिकाको केन्द्र पुतलाचौर,कुरेलीको खरिबोट,थबाङ, माओवादी उद्गम स्थलको रुपमा चिनिने रोल्पाको थबाङ गाउँपालिकाको ठूलोगाउँ, माडी गाउँपालिकाको मुख्य व्यापारिक केन्द्र घर्तिगाउँ,त्रिवेणी गाउँपालिकाको तिला बजार,रुन्टीगढी गाउँपालिकाको केन्द्र समेत रहेको होलेरी बजार जाने कार्यक्रम रहेको छ । 

प्रतिनिधि सभा सदस्य समेत रहनु भएका लामिछानेको रोल्पा बसाई पाँच गते सम्म रहने छ।सभापति लामिछानेका साथमा पार्टीका महामन्त्री डाक्टर मुकुल ढकाल, लुम्बिनी प्रदेशका सभापति देवराज पाठक र महामन्त्री निलराज अधिकारी सहितको टोली रहने छ