बुटवल । लायन्स क्लव अफ बुटवल मणिमुकुन्द युथको तेस्रो बोर्ड र जनरल बैठक आइतवार सम्पन्न भएको छ । क्लवका अध्यक्ष थानेश्वर अर्यालको अध्यक्षतामा बैठक सम्पन्न भएको हो । क्लवको वार्षिकोत्सब असोज १३ गते शनिवार गरिने भएको छ । जसका लागि बैठकले लायन माधव ढकाललाई संयोजक र सहसंयोजकमा लायन नारायण वलीलाई तोकिएको छ ।
यस्तै बैठकले रक्तदान कार्यक्रमका लागि लायन टिकाराम पन्थीलाई संयोजक सहसंयोजकमा शंकर वस्याललाई तोकिएको छ । भने मिति तोकिएको छैन् । क्लवले अटिजम वालवालिका सम्बन्धि अन्तरक्रिया शान्ति नमुना माध्यामिक विद्यालय मणिग्राममा गर्ने निर्णय गरेको छ ।
बैठकले क्लवका अध्यक्ष थानेश्वर अर्यालको स्वकीय सल्लाहकारमा लायन खिला अधिकारीलाई चयन गरेको छ । क्लबका तृतीय उपाध्यक्ष कृष्ण प्रसाईंले स्वागत मन्तव्य राख्नुभएको थियो भने, कार्यक्रम सञ्चालन क्लवका सचिव लायन प्रभात जिसीले गर्नुभएको थियो ।
