काठमाडौं । नेपाली कांग्रेसका केन्द्रीय सदस्य प्रदीप पौडेलले गठबन्धन जोगाउनु मात्र उपलब्धि नभएको बताउनुभएको छ । आइतबार केन्द्रीय समितिको तेस्रो दिनको बैठकमा उहाँले सरकारलाई निर्देशित गर्न सक्नुपर्ने बताउनुभएको छ ।
उहाँले भन्नुभयो, ‘सभापति ज्यूको नेतृत्वमा प्रधानमन्त्रीकोमा गएर यो काम गर भनेर भन्न सक्नुपर्छ । सरकारलाई निर्देशित गर्न सक्नुपर्छ । गठबन्धन जोगाउनु मात्र उपलब्धि हैन ।’
नेता पौडेलले सरकारमा रहेका कांग्रेसका मन्त्रीहरूले राम्रो काम गर्न नसकेको आरोप लगाउनुभएको छ । उहाँले देशको आर्थिक अवस्था दयनीय रहेको बताउनुभएको छ ।
नेकपा पौडेलले भन्नुभयोे, ‘एक बोरा चामलको मूल्य तीन सयसम्म बढेको छ । बैठकले निर्णय गरेर मात्रै भएन, सरकारलाई यो काम गर सभापतिले भन्न सक्नुपर्यो ।’
देशको आर्थिक संकटले सबै पलायन हुने अवस्था आएको भन्दै उहाँले सरकारमा बसेर पार्टीलाई लोकप्रिय बनाउनुपर्नेमा जोड दिनुभएको छ ।
