काठमाडौं । स्वास्थ्य तथा जनसङख्यामन्त्री मोहनबहादुर बस्नेतले पछिल्लो समय प्रजातन्त्रमाथि निरन्तर आक्रमण भइरहेको बताउनुभएको छ ।
बिहीबार नेपाली कांग्रेस सिन्धुपाल्चोक काठमाडौं सम्पर्क समितिद्वारा आयोजित विजया दशमी तथा दीपावलीको शुभकामना आदानप्रदान कार्यक्रममा उहाँले कांग्रेस बिना प्रजातन्त्र नरहने जिकिर गर्नुभयो ।
उहाँले भन्नुभयो,‘कांग्रेस बिना प्रजातन्त्र रहदैन्, भन्ने कुरा सबैलाई थाहा छ । र नेपालमा अहिले विभिन्न तरिकाबाट प्रजातन्त्र माथि आक्रामक शैलीमा गतिविधीहरू प्रस्तुत भइरहेको बेला सबै व्यक्तिहरु एक ढिका भएर कांग्रेस पार्टी र प्रजातन्त्रलाई बलियो बनाउनुपर्छ ।’
उहाँले कांग्रेसलाई कमजोर बनाउन खोज्नेहरु आफै समाप्त भएर जाने तर्क गर्नुभयो । उहाँले भन्नुभयो,‘कांग्रेस भित्र भएकाले पनि कसैले कमजोर बनाउन सक्दैन ।
कांग्रेस बाहिर रहेकाले पनि सिध्याउन सक्दैनन् जोजो कांग्रेस विरोधी बनेर आउँछन् । हिजो पनि सिद्धिएका छन् । आजपनि सकिन्छन् । ’
