भैरहवा । साना ठुला जनावर, माया गरौ बराबर भन्ने मूल नाराको साथ बिश्व पशुपंक्षी दिवस मनाईएको छ । दिवसको अबसरमा पशुपक्षीं तथा मत्स्य विकास निर्देशनालयले सियारी गाउँपालिकाको गौशलामा बिभिन्न सामाग्री हस्तान्त्रण गरेको हो ।
निर्देशनालयले सियारी ३ स्थित रामजानकी गौशालामा विश्व पशुपन्छी दिवसको अबसरमा साईलेज र किट सहयोग गरेको आर्थिक बिकास तथा पशु सेवा शाखा प्रमुख गणेश प्रसाद खनालले जानकारी दिनुभयो । पशुपक्षीं बिकास तथा मत्स्य बिकास निर्देशनालयका प्रमुख डा. प्रवेश सिंह कुँवरको अध्यक्षतामा भएको कार्यक्रममा गौशालालाई पशु आहारामा सहयोग पुगोस् भन्ने उद्धेश्यका साथ करिब २० क्विन्टल साईलेज तथा १ वटा उपचार किट गौशालाका अध्यक्ष हेमकुमार कुर्मीलाई हस्तान्त्रण गरिएको छ ।
सो अबसरमा बोल्दै प्रमुख कुँवरले निर्देशनालयले आगामी दिनमा पनि सहयोगलाई निरन्तरता दिने प्रतिबद्धता जनाउनुभयो । सियारी गाउँपालिका वडा नम्बर ३ का वडाध्यक्ष रामचन्द्र कुर्मीले गौशाला सञ्चालनका लागि बिभिन्न किसिमको कठिनाई रहेको उल्लेख गर्दै सबैको सहयोगको आबश्यकता रहेको बताउनुभयो ।
पशु सेवा शाखा प्रमुख गणेश प्रसाद खनालले गौशालालाई दिगो रुपमा संचालनको लागि गोबरको विविधिकरण गर्दै प्रांगारिक मल, गड्यौला मल, दाउरा आदि बनाउनको लागि प्रबिधि हस्तान्तरण तथा हरियो घासमा आधारित आहारा व्यवस्थापनमा सहयोग गर्न आव्हान गर्नुभयो ।
कायक्रममा वडा सदस्य मंगल थारु, पशुपन्छी बिकास निर्देसनालायका पशु बिकास अधिकृत लोकराज भुसाल लगायतले बोल्दै गौशलालाई दिगो रुपमा सञ्चालनका लागि सबैले सहयोग गर्नु पर्नेमा जोडदिनुभयो ।
