बुटवल । कराँते खेलमा निकै कडा मेहनत गरेर देशविदेशमा समेत खेलीसकेका खेलाडि हुन् बुटवलका कृष्णप्रसाद देवकोटा । कराँतेमा अब्बल मानिने देवकोटा हाल नेपाल कराँते महासंघ लुम्बिनी प्रदेशको दाङमा सम्पन्न प्रदेशस्तरीय बैठक तथा रेफ्री भेलाले कृष्ण देवकोटालाई चयन गरेको छ ।
नेपाल सितोरियो कराँते संघ रुपन्देहीका पूर्वअध्यक्ष, राष्ट्रिय तथा अन्तर्राष्ट्रिय कराँते रेफ्री, प्रदेश खेलकुद परिषद् लुम्बिनीका पूर्वकोषाध्यक्षको समेत कुशल जिम्मेवारी निर्वाह गरिसक्नुभएको छ ।
प्रदेशका बिभिन्न १२ जिल्लाका प्रतिनिधि, प्रमुख कराँते प्रशिक्षक, खेलाडी, रेफ्रीहरुको बृहत भेलाले देवकोटालाई चयन गरेको हो । भेलाले प्रदेश स्तरिय ९ सदस्यीय रेफ्री कमिटी गठनसमेत गरेको छ।
जसको सह-संयोजकमा रीना राना (बाँके), सचिवमा मोहलाल थापा मगर (दाङ), सह-सचिवमा डम्मर बहादुर सोमै (कपिलबस्तु ), सदस्यहरुमा गोपी पुन (नवलपरासी), मोलन घर्ति (रोल्पा), बसन्त के सी, मनिराम चक्रवर्ती (बर्दिया), शंकर बिसी (प्युठान) बाट निर्वाचित हुनुभएको छ ।
पछिल्लो समय नेपाललाई खेलकुद जगतले नै चिनाउँदै गएको छ । खेललाई व्यवस्थित र मर्यादित बनाउनका नेपाल कराँते महासंघले महत्वपूर्ण भूमिका निर्वाह गर्दै आएको बताईएको छ।
नवगठित सदस्यहरुलाई नेपाल कराँते महासंघका अध्यक्ष पदम बहादुर बस्नेतले शुभकामना दिदै कराँते खेल, खेलाडी र रेफ्रीको महत्वको भूमिका र जिम्मेवारीबारे ध्यान दिएर लाग्न सुझाव दिनुभएको थियो । कार्यक्रममा रुपन्देही कराँते प्रशिक्षक माधव घिमिरे, महासंघका सचिव रामु सुनार लगायतले बोल्नुभएको थियो ।
