अर्घाखाँची । पाणिनी गाउपालिकामा प्रथम जिल्ला मिडिया सम्मेल हुने भएको छ। अर्घाखाँचीको पाणिनी गाउपालिकामा पाणिनी पत्रकार समाज नेपालको आयोजनामा यहि असोज १९ र २० गते जिल्ला मै पहिलोपटक मिडिया सम्मेलन हुन लागेको हो ।
सम्मेलनमा अर्घाखाँची जिल्लाका मिडिया तथा सकृय पत्रकारहरुको उपस्थिती रहने पाणिनी पत्रकार समाजका अध्यक्ष प्रकाश प्युठानिले जानकारी दिनुभयो । प्युठानिका अनुसार कार्यक्रमको सम्पुर्ण तयारी पूरा भइसकेको छ ।
जिल्लाको समग्र बिकास र पर्यटन प्रवर्द्धनमा ग्रामीण पत्रकारिताको भुमिका सम्मेलनको मुख्य बिषय रहने आयोजक संस्थाका सल्लाहकार बिजय पोखरेलले जानकारी दिनुभयो । कार्यक्रममा पाणिनि गाउँपालिकाको पाणिनी तपोभुमिमा पुगि घोषणा पत्र जारी गरि सम्पन्न हुने छ।
