रोल्पा। रोल्पाको परिवर्तन गाउँपालिकाले बजार अनुगमन गरेको छ। शुक्रबार परिवर्तन गाउँपालिका उपभोक्ता हित संरक्षण समितिको आयोजनामा परिवर्तन गाउँपालिका १ को कुरेलीको खरिबोट बजार तथा परिवर्तन गाउँपालिका ५ को घर्याम्झिम र पुतलाचौरमा बजार अनुगमन गरेको हो।
परिवर्तन गाउँपालिकाको आम नागरिकको स्वास्थ्यलाई मध्ये नजर गर्दै नजिकिदै गरेको ठूला चाडपर्व दशै,तिहार र छठ लगायतलाई लक्षित गरी बजार अनुगमन गरिएको उपभोक्ता हित संरक्षण समितिका सदस्य पत्रकार सुर्य प्रकाश बुढा मगरले जानकारी दिनु भएको छ।
बजार अनुगमनमा कालो बजारी,खाद्यान्नको गुणस्तर,पेय पदार्थको गुणस्तर,मेडिकल क्लिनिक,गाउँपालिकामा दर्ता,पान नम्बर,मुल्य सुची र साइन बोर्ड लगायतको अनुगमन गरिएको हो।
परिवर्तन गाउँपालिका १ कुरेलीको बजार तथा परिवर्तन गाउँपालिका ५ को घर्याम्झिम र पुतलाचौर बजारमा अनुगमन गर्दा परिवर्तन गाउँपालिकामा दर्ता नगरेको,मुल्य सुची नराखेको,केही पसलबाट कम मात्रामा म्याद नाघेको सामान भेटिएको र एउटै पसलबाट धेरै सामानहरु राखी बिक्री वितरण गरेको पाइएको छ।
उपभोक्ता हित संरक्षण समितिले पहिलो पटक बजार अनुगमन भएकोले अनिवार्य गाउँपालिकामा पसल दर्ता गरेर सञ्चालन गर्ने,म्याद नाघेको सामान पहिलो पटक अनुगमन भएकोले थोरै मात्रामा सामान ब्राह्मड गरेको छ भने पुनः फिर्ता गर्न सुझाव दिइएको छ,दोस्रो पटक अनुगमन गर्दा भेटिएको म्याद नाघेको सामानहरु उपभोक्ता हित संरक्षण समितिले ब्राह्मड गर्ने समेत जनाएको छ।
त्यस्तै मुल्य सुची र साइनबोर्ड सबैले देख्ने गरी राख्न समेत सुझाव दिएको छ । परिवर्तन गाउँपालिका उपभोक्ता हित संरक्षण समितिको भनाइ रहेको छ।
परिवर्तन गाउँपालिकाका उपाध्यक्ष तथा उपभोक्ता हित संरक्षण समितिका संयोजक कलादेवी खत्रेनीको संयोजकत्वमा भएको अनुगमनमा परिवर्तन गाउँपालिकाका प्रमुख प्रशासकीय अधिकृत प्रेम जि.एम,ईलाका प्रशासन कार्यालय घर्ती गाउँका नायब सुब्बा गण बहादुर विक,परिवर्तन गाउँपालिकाका प्रशासन शाखा प्रमुख ललित बुढा मगरको टोलीले अनुगमन गरेको छ।
साथै परिवर्तन गाउँपालिकाका स्वास्थ्य शाखा प्रमुख दिपक घर्ती मगर,उद्योग वाणिज्य संघ परिवर्तन गाउँपालिकाका संयोजक प्रेम कुमार बुढा मगर,ईलाका प्रहरी कार्यालय ओबाङ्का इन्चार्ज ओमभक्त केसी,अस्थायी प्रहरी पोष्ट पुतलाचौरका इन्चार्ज किरण चौधरी र पत्रकार सुर्य प्रकाश बुढा मगर लगायत प्रहरीको टोलि र उद्योग वाणिज्य संघको टोलीले अनुगमन गरेको छ।
परिवर्तन गाउँपालिका १ को खरिबोट बजारमा १४ वटा ठूला तथा साना पसलको अनुगमन गरेको छ भने केही पसल बन्द समेत रहेको थियो।
परिवर्तन गाउँपालिका ५ को घर्याम्झिम बजारमा ५ वटा पसलको अनुगमन गरिएको छ र अर्को पुतलाचौरमा ७ वटा पसलको अनुगमन गरेको छ। करिब २६ वटा पसल अनुगमन गरिएको छ र बजार अनुगमनलाई निरन्तरता दिने समेत उपभोक्ता हित संरक्षण समितिले बताएको छ।
