बुटवल । रुपन्देही क्षेत्र न.२ मा रिक्त रहेको क्षेत्रीय सभापति पद र सहसचिव पदमा शनिवार बुटवलमा मतदान शुरु भएको छ । चुनाव दुई खेमामा होमिएको छ । सभापती पदको उम्मेदवारमा युवा नेता प्रजापाल गिरी र पर्शुराम ढकालको कडा प्रतिस्पर्धा हुने देखिएको छ ।
बुटवलको बालमन्दिरमा जारी रहेको निर्वाचनमा बुटवल उपमहानगरपालिकाका नगर प्रमुख खेलराज पाण्डेयसँगै सभापतीका दुई उम्मेदवारले समेत मतदान गरिसकेका छन् । सहसचिवमा बिष्णुप्रसाद चापागाई र संगिता अर्याल गौतम चुनावी लडाइँमा हुनुहुन्छ ।
मतदान स्थल बाहिर दुवै खेमाका नेताहरु मत माग्नको लागि स्टल बनाएरै बसेका छन् । स्थानिय चुनावको समयमा पार्टीको १४ औं महाधिबशेनबाट निर्वाचित हरि लम्सालले पदबाट राजिनामा दिएपछि सभापति पद रिक्त हुँदै आएको थियो ।
तत्कालिन सहसचिव राजबहादुर क्षेत्रीले पार्टी परित्याग गरेपछि उक्त पद पनि खाली रहेको थियो । निर्वाचनका लागि ६७२ मतदाता रहेको निर्वाचन अधिकृत रुपकुमार रायमाझीले बताउनुभयो ।
