बुटवल । रुपन्देही क्षेत्र न.२ को क्षेत्रीय सभापति पद र सहसचिव पदको लागि शनिवार बुटवलको नेपाल बाल सङगठनको प्राङगणमा निर्वाचन सम्पन्न भएको छ । सभापती पदको उम्मेदवारमा युवा नेता प्रजापाल गिरी विजयी हुनुभएको छ । उहाँको प्रतिस्पर्धी पर्शुराम ढकाल १०१ मतको अन्तरमा पराजित हुनुभएको छ ।  

त्यस्तै सहसचिवमा संगिता अर्याल गौतम विजयी हुनुभएको छ । उहाँको प्रतिस्पर्धी बिष्णुप्रसाद चापागाई ८ मतको अन्तरमा पराजित हुनुभएको छ ।

परिणाम अनुसार सभापति पदमा गिरीले ३४६ मत पाउनुभयो । भने प्रतिस्पर्धी परशुराम ढकालले २४५ मत मात्र पाउनुभयो। त्यस्तै सहसचिवमा २९७ मत सहित संगीता गौतम अर्याल बिजयी हुनुभयो भने विष्णु प्रसाद चापागाईले २८९ मत मात्र पाउनुभयो। निर्वाचनका लागि ६७२ मतदाता रहेकोमा ६१३ मत खसेको निर्वाचन स्रोतले बताएको छ ।

पार्टीको १४ औं महाधिबशेनबाट निर्वाचित हरि लम्सालले पदबाट राजिनामा दिएपछि सभापति पद रिक्त हुँदै आएको थियो । त्यस्तै सहसचिव राजबहादुर क्षेत्रीले पार्टी परित्याग गरेपछि उक्त पद पनि खाली रहेको थियो ।