रोल्पा। रोल्पाको परिवर्तन गाउँपालिकाले बजार अनुगमन गरेको छ । आइतबार परिवर्तन गाउँपालिका उपभोक्ता हित संरक्षण समितिको आयोजनामा परिवर्तन गाउँपालिका ३ को बागमारा बजारको अनुगमन गरेको हो।

परिवर्तन गाउँपालिकाको आम नागरिकको स्वास्थ्यलाई मध्ये नजर गर्दै नजिकिदै गरेको ठूला चाडपर्व दशै,तिहार र छठ लगायतलाई लक्षित गरी बजार अनुगमन गरिएको उपभोक्ता हित संरक्षण समितिका सदस्य पत्रकार सुर्य प्रकाश बुढा मगरले जानकारी दिनु भएको छ।

बजार अनुगमनमा कालो बजारी,खाद्यान्नको गुणस्तर,पेय पदार्थको गुणस्तर,मेडिकल क्लिनिक,गाउँपालिकामा दर्ता,पान नम्बर,मुल्य सुची र साइन बोर्ड लगायतको अनुगमन गरिएको हो। परिवर्तन गाउँपालिका ३ बागमारा बजारमा सञ्चालन गर्दै आएका व्यापारीहरुले परिवर्तन गाउँपालिकामा कम मात्रामा दर्ता गरेको धेरैले पान नम्बर उल्लेख नगरेको,प्रमाणपत्र देखिने ठाउँमा नराखेको समेत,मुल्य सुची नराखेको,केही पसलबाट कम मात्रामा म्याद नाघेको सामान भेटिएको र उक्त सामान उपभोक्ता हित संरक्षण समितिले ब्राह्मड गरेको समेत बताइएको छ।

साथै अनिवार्य गाउँपालिकामा पसल दर्ता गरेर सञ्चालन गर्न सुझाव दिइएको र म्याद नाघ्न लागेका सामानहरु पुनःउत्पादन कम्पनीमा फिर्ता गर्न समेत सुझाव दिइएको छ। त्यस्तै अनिवार्य पान नम्बर उल्लेख गर्ने,मुल्य सूची अनिवार्य राख्ने र प्रमाणपत्र सबैले देख्ने गरी राख्न समेत आग्रह गरेको छ भने साइनबोर्ड सबैले देख्ने गरी र पान नम्बर देखिने गरि राख्न समेत सुझाव दिएको छ परिवर्तन गाउँपालिका उपभोक्ता हित संरक्षण समितिको भनाइ रहेको छ।

परिवर्तन गाउँपालिकाका उपाध्यक्ष तथा उपभोक्ता हित संरक्षण समितिका संयोजक कलादेवी खत्रेनीको संयोजकत्वमा भएको अनुगमनमा परिवर्तन गाउँपालिकाका प्रमुख प्रशासकीय अधिकृत प्रेम जि.एम,ईलाका प्रशासन कार्यालय घर्तीगाउँका नायब सुब्बा गण बहादुर विक,परिवर्तन गाउँपालिकाका प्रशासन शाखा प्रमुख ललित बुढा मगर,परिवर्तन गाउँपालिकाका स्वास्थ्य शाखा कर्मचारी निर्मल बुढा मगरको टोलीले बागमारा बजारको अनुगमन गरेको छ

त्यस्तै उद्योग वाणिज्य संघ परिवर्तन गाउँपालिकाका संयोजक प्रेम कुमार बुढा मगर,परिवर्तन गाउँपालिका ३ का वडा सदस्य अमृत बुढा मगर,ईलाका प्रहरी कार्यालय ओबाङ्का असई ओमभक्त केसी,अस्थाई प्रहरी पोष्ट पुतलाचौरका असई किरण चौधरी,अस्थाई प्रहरी पोष्ट बागमाराका असई झलक बुढा मगर र रेडियो मालश्रीका पत्रकार सुर्य प्रकाश बुढा मगर लगायत प्रहरीको टोली र उद्योग वाणिज्य संघको टोलीले बागमारा बजारको अनुगमन गरेको छ।

परिवर्तन गाउँपालिका ३ को बागमारा बजारमा ४२ वटा ठूला तथा साना पसल अनुगमन गर्दा केही पसलबाट म्याद नाघेको सामान समेत फेला परेको र उक्त सामानहरु समितिले जफत समेत गरेको छ। म्याद नाघेको सामान धेरै जस्तो कस्मेटिक सामानहरु,कम मात्रामा जङ्गफूट र पेय पदार्थ रहेका छन्। 

असोज २६ गतेका दिन शुक्रबार परिवर्तन गाउँपालिका १ कुरेलीको खरिबोट बजार,परिवर्तन गाउँपालिका ५ को घराम्झिम र पुतलाचौर बजार गरि करिब २६ वटा पसल अनुगमन गरएको थियोे र आइतबारका दिन बागमारा बजारको ४२ वटा पसलबाट अनुगमन गर्दा भेटिएको म्याद नाघेका ब्राह्मड गरेको सामान जलाएर नष्ट समेत गरेको छ।अनुगमनलाई निरन्तरता दिने समेत उपभोक्ता हित संरक्षण समितिले बताएको छ भने ३र३ महिनामा बजार अनुगमन गर्ने समेत बताएको छ।