रोल्पा । लिबाङ बजारको अनुगमन गरिएको छ । नेपालीहरु चाडपर्व दशै,तिहार र छठ लगायतलाई मध्यनजर गर्दै लिबाङ बजारलाई बुधबारका दिन अनुगमन गरिएको छ।

जिल्ला प्रशासन कार्यालय रोल्पा,घरेलु तथा साना उद्योग कार्यालय रोल्पा र भेटेनरी अस्पताल तथा पशुविज्ञ केन्द्र रोल्पाको आयोजनामा लिबाङ बजारमा सञ्चालन हुँदै आएका होटल,किराना पसल,मासु पसल र डेरी पसलको अनुगमन गरिएको हो।अनुगमन गर्दा मुल्य सूची,सरसफाई,दर्ता गरिएको छ कि छैन,खाद्यान्न तथा पिय पदार्थको म्याद छ कि छैन भनेर होटल र किराना पसलमा अनुगमन गरिएको छ।

त्यस्तै डेरी उद्योग र मासु पसलमा पनि अनुगमन गर्दा मासु काट्ने ठाउँ र राख्ने ठाउँमा सरसफाइ नभएको पाइएको छ । ४,५ वटा पसल तल्लो स्तरको र सरसफाइ र सुधार नगरेमा पसल बन्द गर्ने चेतावनी दिएको समेत भेटेनरी अस्पताल तथा पशुविज्ञ केन्द्र रोल्पाका प्रमुख डाक्टर शंकर न्यौपानेले जानकारी दिनु भएको छ।

जिल्ला प्रशासन कार्यालय रोल्पाका प्रमुख परमानन्द घिमिरेको संयोजकत्वमा भएको बजार अनुगमनमा जिल्ला प्रहरी कार्यालय रोल्पाका प्रहरी नायब उपरीक्षक श्याम कुमार सारु मगर,शस्त्र प्रहरी रोल्पाका प्रहरी नायब उपरीक्षक विष्णु दत अवस्थी,घरेलु तथा साना उद्योग कार्यालय रोल्पाका प्रमुख तारा प्रसाद शर्मा,भेटेनरी अस्पताल तथा पशुविज्ञ केन्द्र रोल्पाका कार्यालय प्रमुख डाक्टर शंकर न्यौपाने,जिल्ला प्रशासन कार्यालय रोल्पाका नायब सुब्बा अम्मर केसी,नेपाल पत्रकार महासंघ रोल्पाका अध्यक्ष नवीन लोचन मगर लगायत प्रहरीको टोली,घरेलु तथा साना उद्योग कार्यालय रोल्पाका कर्मचारी,भेटेनरी अस्पताल तथा पशुविज्ञ केन्द्र रोल्पाका कर्मचारी र विभिन्न मिडियामा आवद्ध पत्रकारको सहभागितामा बजार अनुगमन गरिएको थियो।

अनुगमन टोलीले १७ वटा होटल र १० वटा किराना पसलको अनुगमन गर्दा १ वटा ५ केजी आटा म्याद नाघेको फेला पारेको र कोक १ बोटल फेला पारी जफत गरी नष्ट समेत गरेको छ।२ वटा डेरी पसल र १९ वटा मासु पसलको समेत अनुगमन गरिएको छ।

दशै,तिहार तथा छठ पर्वलाई लक्षित गरि आम नागरिकको स्वास्थ्यलाई मध्यनजर राख्दै खाद्यान्न तथा पिय पदार्थको गुणस्तरीय र कालो बजारीलाई नियन्त्रण गर्ने उद्देश्यले जिल्ला प्रशासन कार्यालय रोल्पा,घरेलु तथा साना उद्योग कार्यालय रोल्पा र भेटेनरी अस्पताल तथा पशुविज्ञ केन्द्र रोल्पाले निरन्तर बजार अनुगमन गर्दै आएको छ।