रोल्पा। परिवर्तन गाउँपालिकामा समाजवादी मोर्चा नेपाल गठन भएको छ । समाजवादी मोर्चा नेपालको केन्द्रिय निर्देशन अनुसार परिवर्तन गाउँपालिका रोल्पामा आइतबार परिवर्तन गाउँपालिका(५ पुतलाचौरमा समाजवादी मोर्चा नेपाल गठन गरिएको हो।
संयुक्त तीन दल नेकपा (माओवादी केन्द्र),नेकपा(एकीकृत समाजवादी) र नेपाल कम्युनिष्ट पार्टी बीच समाजवादी मोर्चा नेपाल परिवर्तन गाउँपालिकामा गठन भएको नेकपाका एक प्रतिनिधिले जानकारी दिनु भएको छ।
हामीले तीन दलका जिम्मेवार व्यक्तिहरुको उपस्थितिमा समाजवादी मोर्चा नेपाल गठन परिवर्तन गाउँपालिकामा गठन गरेका छौँ,ती प्रतिनिधिले भने।साथै आइतबार गठन भएको समाजवादी मोर्चा नेपाल परिवर्तन गाउँपालिकाले नेतृत्वको समेत भागबण्डा गरेको छ । जसमा पहिलो चरणको ४ महिना नेकपा(एकीकृत समाजवादी)ले संयोजकत्व गर्ने निर्णय गरिएको छ।संयुक्त तीन दलबाट समाजवादी मोर्चा नेपाल परिवर्तन गाउँपालिकामा ३ र ३ जनाको प्रतिनिधित्व रहेको छ।
ने.क.पा(एकीकृत समाजवादी)का मन प्रसाद घर्ती(संयोजक) रहेका छन।भने पारस ओलि र धन कुमारी घर्ति प्रतिनिधिमा रहेका छन।नेपाल कम्युनिष्ट पार्टीबाट पृथ्वी डाँगी सी,गणेश बुढा सि र हिरालाल खड्का सी रहेका छन।
त्यस्तै नेकपा माओवादी केन्द्रबाट हरिप्रसाद बुढा मगर,कर्ण बुढा मगर र वीर बहादुर के।सी रहेका छन।समाजवादी मोर्चा नेपाल रोल्पा जिल्ला स्तरीय सन्देश सभा सम्पन्न भएपछी पालिका स्तरीय सन्देश सभा गर्ने भनेर मोटामोठी छलफल भएको नेकपा परिवर्तन गाउँ समितिका इन्चार्ज पृथ्वी सीले जानकारी दिनु भएको छ। समाजवादी मोर्चा नेपाल परिवर्तन गाउँपालिकाको कहिले गर्ने भनेर मिति टुंगो नलागेको समेत प्रतिक्रिया दिनु भएको छ।
हिजो पालिका स्तरीय समाजवादी मोर्चा नेपाल गठन गर्ने र सन्देश सभा गर्ने सन्दर्भमा छलफल भएको समेत जनाइएको छ।
