रोल्पा।माडी गाउँपालिकाको पहलमा रोल्पाको शहिद मार्गमा पर्ने स्थानीय तहका प्रमुखहरु सहित प्रदेश सांसद सँग बृहत छलफल माडी २ घर्तिगाउँमा सम्पन्न भएको छ।सोमबार राति शहिद मार्ग सडकको काममा भएको ढिलाई,शहिद मार्गलाई सुधार गर्ने,व्यबस्थित गराउने,होलेरी घोराही खण्डलाई कसरी सुधार गर्ने,शहिद मार्ग अन्तरगत बीच बीचमा भएका काम कसरी भइरहेकोे छ र त्यसको कामको कुरा,शहिद मार्गमा पर्ने स्थानीय तहका प्रमुखहरु शहिद मार्गलाई सुधार गर्न एक एकरुपतामा लाग्ने लगायतका मुख्य एजेन्डामा बृहत रूपमा छलफल भएको सहभागी भएका गाउँपालिकाका एक प्रेस संयोजकले जानकारी दिनु भएको छ।
छलफलमा लुम्बिनी प्रदेशका सांसद दिपेन्द्र कुमार पुन,रोल्पा नगरपालिकाका नगर प्रमुख सुरेन्द्र थापा(घर्ती),रुन्टीगढी गाउँपालिकाका अध्यक्ष जनक पुन,त्रिवेणी गाउँपालिकाका अध्यक्ष कर्ण बहादुर बाँठा,माडी गाउँपालिकाका अध्यक्ष अमरसिंह घर्तिमगर,परिवर्तन गाउँपालिकाका अध्यक्ष सुक बहादुर बुढा मगर,थवाङ गाउँपालिकाका अध्यक्ष ऋषिकेशव बुढा मगर र पुर्व उपराष्ट्रपतिका प्रेस संयोजक मनोज घर्ती मगर लगायतको सहभागिता रहेको थियो।
