रोल्पा । रोल्पा अस्पताल विकास समितिको अध्यक्षमा शेर बहादुर थापा मनोनयन हुनु भएको छ।शुक्रबारका दिन थापालाई रोल्पा अस्पताल विकास समितिको अध्यक्षमा मनोनयन गरिएको हो।
अस्पताल विकास समिति(गठन तथा सञ्चालन)नियमावली,२०८० को नियम ३ को उपनियम (१) को खण्ड (क) बमोजिम स्वास्थ्य मन्त्रालयको मिति २०८० कार्तिक २३ गतेको निर्णयानुसार(माननीय कार्यबाहक मुख्यमन्त्री तथा अर्थमन्त्री स्तर) तपाईंलाई रोल्पा अस्पताल विकास समितिको अध्यक्ष पदमा मनोनयन गरिएको व्यहोरा अनुरोध छ’लुम्बिनी प्रदेश सरकार स्वास्थ्य मन्त्रालयका शाखा अधिकृत अमर बहादुर वलीद्वारा जारी गरिएको मनोनयन पत्रमा उल्लेख गरिएको छ।
साथै अस्पताल विकास समितिको अध्यक्ष पदमा मनोनयन हुनुभएकोमा यहाँलाई हार्दिक बधाई ज्ञापन गर्दै यहाँको कार्यकालमा उक्त अस्पतालबाट प्रदान हुने सेवा विस्तार र गुणस्तर अभिवृद्धि हुने अपेक्षा गरिएको छ’मुख्यमन्त्री तथा मन्त्रीपरिषदको कार्यालय,लुम्बिनी राप्ती उपत्यका,देउखुरी,नेपाल भनेर उल्लेख गरिएको छ।
