अर्घाखाँची । अर्घाखाँची अस्पताल विकास समितिको अध्यक्षमा लिलाधर बस्याल मनोनयन हुनु भएको छ। शुक्रबार बस्याललाई अर्घाखाँची अस्पताल विकास समितिको अध्यक्षमा मनोनयन गरिएको हो।
अस्पताल विकास समिति(गठन तथा सञ्चालन)नियमावली,२०८० को नियम ३ को उपनियम (१) को खण्ड (क) बमोजिम स्वास्थ्य मन्त्रालयको मिति २०८० कार्तिक २३ गतेको निर्णयानुसार बस्याललाई अर्घाखाँची अस्पताल विकास समितिको अध्यक्ष पदमा नियुक्त गरिएको लुम्बिनी प्रदेश सरकार स्वास्थ्य मन्त्रालयका शाखा अधिकृत अमर बहादुर वलीद्वारा जारी मनोनयन पत्रमा उल्लेख गरिएको छ।
