रोल्पा।नेपाल कम्युनिष्ट पार्टीका महासचिव नेत्र विक्रम चन्द विप्लव सीलाई रोल्पाको सुलिचौरमा भव्य स्वागत गरिएको छ।शुक्रबार रोल्पाको थवाङमा आयोजित नेपाल कम्युनिष्ट पार्टीको १०औं पूनर्गठन दिवसको अवसरमा आयोजना गरिएको जनसभालाई सम्बोधन गर्न रोल्पा जाने क्रममा सुलिचौर पुगेका विप्लवलाई पार्टी र स्थानीयले भव्य स्वागत गरेका हुन।
जनयुद्धको केन्द्रको रुपमा स्थापित रोल्पाको थवाङ जाने क्रममा सुलिचौर पुगेका विप्लवले अगुवा कार्यकर्ता भेटघाट कार्यक्रममा बोल्दै एमसीसी विरुद्ध कडा प्रतिरोध गर्ने चेतावनी दिनुभएको छ।मुलुक राजनीति,आर्थिक,सामाजिक लगायत सबै क्षेत्रबाट अफ्ट्यारोमा परेको भन्दै नयाँ ढंगबाट समाधान खोज्नु पर्ने बताउनुभएको छ ।
महासचिव विप्लवले वैदेशिक हस्तक्षेप बढेको बताउदै लोकप्रियताको नाममा भ्लोदिमिर जेलेन्स्की जन्माउने कोशिस गरिरहेको बताउदै त्यो प्रति सचेत हुन जरुरी रहेको बताउनुभएको थियो।माओवादी एकता तर्फ संकेत गर्दै महासचिव विप्लवले मन्त्री र सांसदका लागि मात्रै माओवादी एकता नभई देश एवम् जनतालाई केन्द्रमा राखेर नयाँ ढंगले एकता हुने संकेत उहाँले राख्नुभयो।
मङ्सिर ८ गते रोल्पाको थवाङमा नेपाल कम्युनिष्ट पार्टीको १०औं पूनर्गठन दिवसको अवसरमा आयोजित जनसभालाई सम्बोधन गर्न महासचिव विप्लव,स्थायी समिति सदस्य विषम सी, अनिल सी लगायतका नेताहरू थवाङ जादै हुनुहुन्छ।
