रोल्पा ।परिवर्तन गाउँपालिका खेलकुद विकास समितिका अध्यक्ष बिक्रम बाँठा मगरले परिवर्तन गाउँपालिकालाई आवश्यक बजेटको व्यवस्थापन गरिदिन आग्रह गर्नु भएको छ।
मङ्सिर २२ गतेदेखि २५ गतेसम्म सञ्चालन भएको परिवर्तन गाउँपालिका अध्यक्ष कप रनिङ शिल्ड खेलकुद प्रतियोगिता २०८० को मंगलबार शहिद स्मृति रंगशाला परिवर्तन गाउँपालिका-५ राङ्कोट्को धामाचौरमा समाप्न गर्दै बाँठा मगरले परिवर्तन गाउँपालिकाका अध्यक्ष सुक बहादुर बुढा मगरलाई आग्रह गर्नु भएको हो।
'हामीलाई खेलकुद क्षेत्रमा एउटा निश्चित बजेट आवश्यकता रहेको जिकिर गर्नु भएको छ।अध्यक्ष कप रनिङ शिल्ड खेलकुद प्रतियोगिताबाट छनोट भएका खेलाडीहरुलाई यहाँ मात्र नभई बाहिर खेलकुदमा समावेश गराउन लैजान हामीलाई समस्या रहेको छ'-उनलेे भने।
'हामीले अन्य गाउँपालिकामा आयोजना हुने खेलकुद प्रतियोगिता र जिल्ला स्तरमा आयोजना हुने प्रतियोगितामा सहभागी हुन र गराउन आर्थिकको समस्या रहेको छ।त्यसका लागि आवश्यक बजेटको व्यवस्थापन गरी छुट्याइ दिन गाउँपालिका समक्ष आग्रह गर्दछु'-उनले भने।
साथै बाँठा मगरले"स्वास्थ्यका लागि खेलकुद,राष्ट्रका खेलकुद"भन्ने मुलनाराका साथ परिवर्तन गाउँपालिका अध्यक्ष कप रनिङ शिल्ड खेलकुद प्रतियोगिता २०८० परिवर्तन गाउँपालिकाको तत्वबधान तथा परिवर्तन गाउँपालिका खेलकुद विकास समिति,रोल्पाको आयोजनामा मिति २०८० साल मङ्सिर २२ गतेदेखि २५ गतेसम्म सञ्चालन भएको परिवर्तन गाउँपालिका अध्यक्ष कप रनिङ शिल्ड खेलकुद प्रतियोगिता सफल पार्न सहयोग गर्नेलाई धन्यवाद दिए।
