बुटवल । लुम्बिनी विश्व सम्पदा सूचीमा सूचीकृत भएको २५ औं वर्षको उपलक्ष्यमा राष्ट्रिय मूर्तिकला कार्यशाला २०८० आयोजना हुने भएको छ ।
लुम्बिनी विकास कोषको मुख्य आयोजना तथा कपिलबस्तु नगरपालिकासहित विभिन्न संघसंस्थाहरुको सहकार्यमा सगरहवा क्षेत्रको पुरातात्विक महत्व उजागर गर्दै पर्यटन प्रर्वद्धन गर्ने गरी मूर्तिकला कार्यशाला गर्ने तयारी गरिएको हो ।
कपिलवस्तु स्थित ऐतिहासिक पुरातात्विक स्थल सगरहवामा शान्ति र समतालाई केन्द्रमा राखेर युद्ध र जातीय भेदभावको बदला शान्ति र समता सगरहवाको ऐतिहासिकतामाथि प्रस्तरमा कलाको विषयमा कार्यक्रम हुने भएको हो ।
कपिलवस्तुको उत्थान र पतन ललितकला प्रज्ञा-प्रतिष्ठान कपिलबस्तु राष्ट्रिय मूर्तिकार्यशाला २०८० को समुद्घाटन समारोह पौष २३ गते दिउसो १ बजे हुने लुम्बिनी विकास कोषका कोषाध्यक्ष ढुण्डिराज भटराईले जानकारी दिनुभयो ।
