बुटवल । बाँकेको नेपालगञ्जबाट काठमाडाैंतर्फ आइरहेकाे यात्रुबाहक बस दाङको भालुबाङस्थित राप्ती नदीमा खस्दा मृत्यु भएका १२ मध्ये चार जनाकाे सनाखत भएकाे छ ।
दाङका प्रहरी प्रमुख प्रहरी उपरीक्षक रामबहादुर केसीका अनुसार मृत्यु हुनेहरूमा ६० वर्षीया कुसुम बस्नेत, ३९ वर्षीय सौरभ विष्ट, ६५ वर्षीय तारानाथ पाण्डे र ३१ वर्षे भारतीय नागरिक मुनेकाे परिचय खुलेकाे छ ।
अन्य मृतकको सनाखत हुन सकेको छैन । शवलाई लमहीस्थित लमही अस्पतालमा राखिएको छ । दुर्घटनामा परी घाइते भएकामध्ये आठ जनाको बाँकेको नेपालगञ्ज मेडिकल कलेज शिक्षण अस्पताल कोहलपुरमा उपचार भइरहेको इलाका प्रहरी कार्यालय कोहलपुरका प्रमुख प्रहरी नायब उपरीक्षक सुन्दर तिवारीले जानकारी दिए ।
उनका अनुसार पाँचवटा एम्बुलेन्समा घाइतेलाई शिक्षण अस्पताल कोहलपुरमा ल्याइएको थियो । नमस्ते यातायातको भे१ख ३९१२ नम्बरको बस गए राति साढे १० बजे राप्ती नदीमा खसेको हो ।
प्रहरीले बसका चालक सल्यान घर भएका २८ वर्षीय लालबहादुर नेपालीलाई नियन्त्रणमा लिएको छ ।
