काठमाडौं । प्रधामन्त्री कप पुरुष राष्ट्रिय क्रिकेट प्रतियोगिता सुरु भएको छ । नेपाल क्रिकेट संघ क्यानले आयोजना प्रतियोगिता आजदेखि सुरु भएको हो ।
प्रतियोगिताका खेलहरु ३ मैदानमा हुनेछन् । काठमाडौंको त्रिवि क्रिकेट मैदान र मुलपानी क्रिकेट मैदान तथा भैरहवास्थित सिद्धार्थ क्रिकेट मैदानमा खेल संचालन हुनेछ । पहिलो पटक यस प्रतियोगिता राउण्ड रोविन लिग फर्म्याटमा हुँदैछ । सबै टिमले एक अर्कासँग खेल्न पाउँछन् ।
एकदिवसीय फर्म्याटमा हुने प्रतियोगितामा ७ प्रदेश र ३ विभागीय टिमले प्रतिस्पर्धा गर्नेछन् । पहिलो दिन तीन खेल हुनेछ । उद्घाटन खेल नेपाल पुलिस क्लब र बागमती प्रदेशबीच त्रीवी क्रीकेट मैदानमा हुनेछ ।
उक्त खेलमा पुलिसले टस जितेर पहिले ब्याटिङ गर्ने निर्णय गरेको छ । बागमतीको कप्तानी रित गौतम र पुलिसको कप्तानी दीपेन्द्रसिंह ऐरीले गरेका छन् । यस्तै कोशी र मधेश प्रदेशबीच मुलपानी मैदानमा खेल हुनेछ भने लुम्बिनी र गण्डकी प्रदेशबीचको खेल भैरहवास्थित सिद्धार्थ क्रिकेट मैदानमा हुनेछ ।
मुलपानी मैदानमा मधेसले कोशी प्रदेश विरुद्ध टस जितेर पहिला फिल्डिङ गर्ने निर्णय गरेको छ । लुम्बिनी र गण्डकीबिचको खेल मौसमका कारण केही ढिला हुने देखिएको छ ।
