काठमाडौं । नेपाली कांग्रेसका प्रभावशाली नेता एवं प्रतिनिधि सभा सदस्य डा. चन्द्र भण्डारीले देशको कानुनले काम नगरेको टिप्पणी गर्नुभएको छ ।
आज (मंगलबार) विश्व हिन्दु महासंघद्वारा आयोजित नीलप्रसाद भण्डारीको वार्षिक स्मृति सभालाई सम्बोधन गर्दै उनले देशको कानुनले काम नगरेका कारण अपराधमा संलग्न भएर पनि देशका ठूला भनिएका मानिसहरु निर्वाध रुपमा हिँडिरहेको बताउनुभयो ।
राजनीतिक दल सुध्रिएर आ–आफ्ना नेतालाई सुधारेमा मुलुक बन्ने उहाँको भनाइ छ । ‘यो देशमा कानुनले काम गर्नुपर्छ ।
यो देशमा कानुनले काम गरेको भए ठूलाबडा कर्मचारीहरु, ठूलाबडा लामो समय राजनीति गरेका व्यक्तिहरु धेरैजसो जेलमा भेटिन्थे,’– उहाँले बताउनुभयो ।
