काठमाडौं । प्रधानमन्त्री कप एकदिवसीय क्रिकेटमा लुम्बिनी प्रदेशलाई हराउँदै विभागीय टिम एपीएफले तेस्रो जित दर्ता गरेको छ । लुम्बिनीले दिएको १३४ रनको सामान्य लक्ष्य एपीएफले २३ ओभरमा ३ विकेट गुमाएर पूरा गर्यो ।
एपीएफको सजह जितमा कप्तान रोहित पौडेलले अर्धशतक प्रहार गरे । ४८ बलको सामना गरेका रोहितले चार चौका र १ छक्कासहित ५२ रन जोडे । पुरन विकले ३३ रन जोडेको खेलमा लोकेश बमले १६ रन थपे । बलिङतर्फ सुदूरका अकल अहमदले १ विकेट लिए ।
यसअघि रुपन्देहीको सिद्धार्थनगर क्रिकेट मैदानमा टस जितेर सुरुआतमा बयाटिङ गरेको लुम्बिनी ४१ ओभरमा १३३ रनमा अलआउट भयो । लुम्बिनीका लागि दिलसाद अलिले सर्वाधिक ३९ रन जोडे ।
मिर्नाल गुरुङले ३४ रन जोडेको खेलमा विराट भण्डारीले २३ रन थपे भने प्रज्वल थापाले ११ रन थपे । बलिङतर्फ एपीएफका रमेश कुर्मीले ५ तथा भुवन कार्कीले तीन विकेट लिए ।
