बुटवल । लुम्बिनी अटोमोबाईल्स एशोसियसन अफ नेपाल (नाडा) लुम्बिनी को तेस्रो साधारण तथा दोस्रो अधिवेशनबाट निर्वाचित कार्यसमितिको पद स्थापन शुक्रबार बुटवलमा सप्पन्न भएको छ ।
अटोमोबाईल्स एशोसियसन अफ नेपाल (नाडा) केन्द्रका केन्द्रिय सदस्य नवराज भुषालले नवनिर्वाचित अध्यक्ष गणेश प्रसाद भट्टराईलाई पदस्थापन गराउनु भएको थियोे ।
सदस्य भुषालले संस्थागत विकासमा जोड दिन सुझाव दिए । भौतिक पूर्वाधार सम्पन्न भएमात्र कार्यसम्पादन राम्रो हुने भन्दै त्यसतर्फ ध्यान दिन सुझाव दिनुभयो ।
कार्यक्रममा नवनिर्वाचित अध्यक्ष गणेश प्रसाद भट्टराईले सबैको सहयोगमा उत्कृष्ट कार्यकाल बनाउने गरि अघि बढ्ने प्रतिवद्घता जनाउनुभयो । सरकारलाई कर तिरेअनुसार नै आफ्ना अधिकारको विषयमा निरन्तर आवाज उठाउने बताउनुभयो ।
कार्यक्रममा नाडाका संस्थागत उपाध्यक्ष नरेन्द्र बहादुर वलीले बैक वित्तिय संस्थाहरुबाट व्यावसायि ठगिरहेको बताउदै ऋण थप्दै जाने र ब्याज बढ्ने जस्तो जटिल कारण ब्यवसायमा त्रास पैदा भएको उहाँले बताउनुभयो ।
नाडाको प्रथम बैठकका निर्णय
नाडा लुम्बिनीको शुक्रबार बसेको पहिलो बैठकबाट विभिन्न प्रस्तावहरु पारित गरेको छ । बैठकबाट दुई जना सदस्यहरु भुमि सापकोटा (रुपन्देही) र शेषमणि गौतम (दाङ) मनोनित गरिएको छ ।
यसैगरि संघको सल्लाहकारमा गोपाल पाण्डे, अधिबक्ता कृष्ण पाण्डे, प्रेम फौदार, सन्तोष पाण्डे, रबिन्सन श्रेष्ठ, नेत्र ज्ञवाली मनोनित गरेको छ ।
यसैगरि संस्थाको प्रेस सल्लाहकारमा स्वस्तिक श्रेष्ठ, कपिल ज्ञवालीलाई मनोनित गरिएको बताइएको छ ।
