बुटवल । तिलोत्तमा नगरपालिका वडा न २ मा विभिन्न सामाजिक गतिविधिहरुमा सकिृय रहेका १८ टोल संघ संस्थाहरुबाट टोल संजालको गठन भएको छ । जसको अध्यक्षमा बसुन्धारा पान्डे मनोनयन हुनुभएको छ । उहाँले उपस्थित सबैलाई धन्यवाद दिदैँ महिलाहरुमा भएका समस्याहरुलाई समाधान गर्न आफ्नो तर्फबाट सक्दो कोसिस गर्ने बताउनुभयो ।
वडा स्तरीय टोल संजालका अध्यक्ष क्याप्टेन नर बहादुर कार्कीले महिलाहरुलाई हक अधिकार दिलाउन संजाल गठन गरिएको बताउनुभयो । उहाँले महिलाहरुको उज्वल भविस्यको लागि शुभकामना व्यक्त गर्दै आफुहरुको तर्फबाट सक्दो सहयोग गर्ने प्रतिबद्धता व्यक्त गर्नुभयो ।
जागृती टोलका वडा अध्यक्ष डिल बहादुर भट्टराईले महिला दिदिबहिनिहरु पिडित छन भनी हामी जनप्रतिनिधिहरुलाई सबै कुरा थाहा हुदैन । त्यसको बारेमा जानकारी होस, हामीले वडाबाट गर्न सक्ने काम वडाबाट गछौँ,वडाबाट गर्न नसकेका कामहरु प्रदेशसम्म पठाउछौँ । महिलाहरुका हरेक दुखमा साथ दिने उहाँले प्रतिबद्धता व्यक्त गर्नुभयो ।
कार्यपालिका सदस्य सावित्रा पन्थीले जसरी महिलाहरुका समस्याहरुलाई औपचारिकता दिन टोल विकास संघ संस्था गठन गरियो त्यसैगरि यो संस्थालाई बलियो बनाउन हामि सबै एकजुट हुनुपर्ने बताउनुभयो ।
कार्यक्रममा अध्यक्ष बसुन्धारा पान्डे, उपाध्यक्ष सिता अर्याल, भगवती तिवारी, सचिव देवकी न्यौपाने, कोषाध्यक्ष नेत्र कुमारी शर्मा सापकोटा, सह सचिव कमला पन्थी, सदस्यहरु लक्ष्मी पौड्याल, टीका ज्ञवाली, देवी आचार्य, रामप्यारी सापकोटा,गिता बस्याल, राधिका बुढाथोकी, सीता थापा कुवर, गीता अर्याल, राममाया पौडेल, विष्णु चापागाईलगायतको उपस्थिति रहेको थियो ।
