रोल्पा । लुम्बिनी प्रदेश नेपाली कांग्रेसका सभापति अमरसिंह पुनले नेपाली कांग्रेसले गरेको राम्रा कामको प्रचार प्रसार गर्न नसक्दा नेपाली कांग्रेस पछी परेको बताउनु भएको छ।
नेपाली कांग्रेस रोल्पाले आयोजना गरेको बृहत अन्तरक्रिया कार्यक्रमलाई रोल्पाको लिबाङ्मा सम्बोधन गर्दै सो कुरा बताउनु भएको हो।
पुनले रोल्पामा आफूले गरेको कामको प्रचार प्रसार नगरी सबै माओवादी केन्द्रले काम गरेको भनेर नेपाली कांग्रेसका नेता कार्यकर्ताले गर्ने गरेको समेत जिकिर गर्नु भएको छ।
आफूले नेकपा माओवादी केन्द्रका नेताहरु कृष्ण बहादुर महरा,ओनसरी पुन लगायत अन्य नेताले पनि कार्यक्रम र अन्य भाषणमा आफ्नो कामको प्रंशसा र सँगै छौँ भन्ने गरेको आफूले पाएको समेत बताउनु भएको छ।
आफूहरूले रोल्पामा भौतिक पूर्वाधार,पुल,स्वास्थ्य लगाएतको क्षेत्रमा सबै मिलेर काम गरेको समेत बताउनु भएको छ।पुनले नेपाली कांग्रेस विधी,विधान बमोजिम चल्न नसक्दा कमजोर बनेको र आफ्नो पार्टी भित्रका खुट्टा टान्ने प्रवृतीले कमजोर बन्न गएको समेत बताउनु भएको छ।
अब नेपाली कांग्रेस सहि ढंगले चल्नको लागि विधी र विधान बमोजिम अगाडि बढ्नुपर्ने अहिले आवश्यकता रहेको बताउनु भएको छ।
