काठमाडौं । नेपाली कांग्रेसका प्रभावशाली नेता नैनसिंह महरले प्रधानमन्त्री पुष्पकमल दाहालको राजीनामा माग्नुभएको छ ।
पार्टीको भक्तपुर चाँगुनारायण नगर समितिको प्रथम सम्मेलनलाई सम्बोधन गर्दै उहाँले प्रधानमन्त्री प्रचण्डले कांग्रेसको ढाडमा टेकेर कांग्रेसकै टाउकोमा हिर्काउन थालेको भन्दै राजीनामा माग्नुभएको हो ।
कांग्रेस सांसदसमेत रहेका उद्योगपति विनोद चौधरीको भाई सरकारी जग्गा हडपेको आरोपमा पक्राउ परेपछि महरले यस्तो अभिव्यक्ति दिनुभएको हो ।
कांग्रेस सभापति शेरबहादुर देउवाको विश्वासपात्रको रुपमा चिनिनुभएका नेता महरले प्रधानमन्त्री दाहाललाई कांग्रेसले विश्वास गरेर अगाडि बढाउँदा कांग्रेसलाई नै असफल बनाउने मिसन अपनाएको आरोप लगाउनुभयो । उहाँले तत्काल यस्ता गलत गतिविधिलाई रोक्न प्रधानमन्त्रीलाई आग्रह गर्नुभएको हो ।
