गुल्मी । धुर्कोट गाउँपालिका गाउँ सभाको १३ औँ अधिवेशन आजबाट सुरु भएको छ । शुक्रबार धुर्कोट गाउँपालिकाको सभाहल बर्बोट गुल्मीमा १३ औँ अधिवेशन सुरु भएको हो । १३ औँ अधिवेशनको पहिलो बैठकमा धुर्कोट गाउँपालिकाको संगठन तथा व्यवस्थापन सर्वेक्षण २०८० र धुर्कोट गाउँपालिकाको मध्यम कालिन खर्च संरचना प्रतिवेदन २०८०/०८१ -२०८२/०८३ सर्वसहमत पास भएको छ ।
त्यस्तै धुर्कोट गाउँपालिकाको वातावरण तथा प्राकृतिक स्रोतको संरक्षण सम्बन्धमा व्यवस्था गर्न बनेको विधेयक २०८० र धुर्कोट गाउँपालिकाको प्राईभेट फर्म दर्ता गर्ने सम्बन्धमा व्यवस्था गर्न बनेको विधेयक, २०८० छलफलका लागि सभामा पेश भएको छ ।
१३ औँ अधिवेशनको दोस्रो बैठक असार ६ गते बुधवार बस्नेछ ।
