काठमाडौँ । क्यानडाविरुद्धको एकदिवसीय क्रिकेट अन्तर्गतको दोश्रो खेलमा पनि नेपाल विजयी भएको छ ।
त्रिवि क्रिकेट मैदान कीर्तिपुरमा शनिबार भएको खेलमा नेपालले क्यानडालाई ४ विकेटले पराजित गरेको हो । जितसंगै तीन खेलको सिरिजमा दुई खेल जित्दै एक खेल अगावै उपाधि पक्का गरेको छ ।
जितका लागि २८६ रनको लक्ष्य पछ्याएको नेपालले ४५ दशमलव १ ओभर खेल्दै ६ विकेटको क्षतिमा २ सय ८७ रन बनायो ।नेपालका लागि कप्तान रोहित पौडेलले ८७ रनको योगदान दिए । त्यस्तै देव खनालले ७६, अनिलकुमार साहले ५० रनको पारि खेले ।
क्यानडाका हर्स थाकेर र इश्वरजोट सोहीले दुई दुई विकेट तथा साद विन जाफर र दिलप्रित बजवाले एक एक विकेट लिए ।त्यसअघि त्यसअघि टस जितेर ब्याटिङ रोजेको क्यानडाले निर्धारित ५० ओभरमा ९ विकेट गुमाउँदै २ सय ८५ रन बनायो । क्यानडाका लागि ओपनर आरोन जोन्सनले सर्वाधित ६५ रन बनाए ।
नेपालका लागि रोहित पौडेल र कुशल मल्लले २–२ विकेट लिए त्यस्तै सोमपाल कामी, सूर्य तामाङ, आकाश चन्द र पवन सर्राफले १–१ विकेट लिएका थिए । सिरिज अन्तर्गतको तेश्रोे खेल सोमबार हुनेछ । घरेलु मैदानमा डब्लूसीएल लिग टू अन्तर्गतका म्याच खेल्नुअघि नेपालले क्यानडासंग एकदिवसीय सिरिज खेलेको हो ।
