रोल्पा । रोल्पाका स्थानीय तहहरुले ‘जनयुद्ध दिवस’को अवसरमा फागुन १ गते आज सार्वजनिक विदा दिएका छन् । दस स्थानीय तहमध्ये नेकपा माओवादी केन्द्रले जितेको सात स्थानीय तहमा फागुन १ गते आज सार्वजनिक विदा दिइएको हो।
लुम्बिनी प्रदेश सरकारको राजपत्र अनुसार स्थानीय तहको आवश्यकतालाई मध्यनजर गरी एकदिन सार्वजनिक विदा दिन मिल्ने प्रावधान अनुसार विदा दिइएको रोल्पाका ७ पालिकाले बताएका छन्।
जनयुद्ध दिवस’को अवसर पारेर रोल्पा नगरपालिका,माडी गाउँपालिका,परिवर्तन गाउँपालिका,सुनछहरी गाउँपालिका, थबाङ गाउँपालिका,सुनिलस्मृति गाउँपालिका र लुङ्ग्री गाउँपालिकाले आज फागुन १ गते सार्वजनिक विदा दिएका छन्।
सुनछहरी गाउँपालिकाले फागुन १ र २ गते दुई दिन सार्वजनिक विदा दिएको छ भने अन्य ६ पालिकाले १ दिन मात्र विदा दिएका छन।यी ७ पालिका २०७९ बैशाख ३० मा सम्पन्न दोस्रो स्थानीय तह निर्वाचनमा नेकपा माओवादी केन्द्रले जितेको पालिका रहेका छन्।नेकपा माओवादी केन्द्र बाहेक कांग्रेसले जितेको रुन्टीगढी गाउँपालिका र गंगादेव गाउँपालिका तथा एमालेले जितेको त्रिवेणी गाउँपालिकामा भने सार्वजनिक विदा दिइएको छैन।
१ सर्वोच्च अदालतबाट जारी भएको सूचना
२०८० माग २३ गते सर्वोच्च अदालतबाट जारी भएको सूचनामा भनिएको छ।यस अदालतको संयुक्त इजलासबाट मिति २०८० पुष १३ मा भएको फैसलाबाट जनयुद्ध दिवसको अवसरमा भनी नेपाल सरकारको मिति २०७९ माघ २९ को निर्णय र मिति २०८० फागुन १ गते सोही विदा दिने भन्ने निर्णय तथा नेपाल राजपत्र भाग ५ खण्ड ७२ संख्या ६५ मिति २०८० चैत २ गते मा प्रकाशित सूचना एवं सो सन्दर्भमा विभिन्न प्रदेश सरकारकाबाट भएका निर्णय र सूचनाहरु समेत उत्प्रेषणको आदेशद्वारा मिति २०८० फागुन १ गतेको सार्वजनिक विदा बदर भएको बेहोरा सम्बन्धित सबैको जानकारीको लागि यो सूचना प्रकाशन गरिएको छ(जारी गरिएको सूचनामा उल्लेख गरिएको छ ।
२ नेपाल सरकार गृहमन्त्रालयले सार्वजनिक विदा नरहेको सम्बन्धि सूचना
नेपाल सरकार गृहमन्त्रालयले २०८० माघ २९ गते सार्वजनिक विदा नरहेको सम्बन्धि सूचना जारी गरेको छ । जारी भएको सूचनामा भनिएको छूसम्मानित सर्वोच्च अदालतको फैसलाका आधारमा नेपाल सरकार,मन्त्रीपरिषदको मिति २०८० माघ २५ को बैठकको निर्णयानुसार नेपाल राजपत्र(खण्ड ७२,संख्या ६५,मिति २०७९ चैत २) मा प्रकाशित संवत् २०८० फागुन १ गते मंगलबारका लागि निर्धारण गरिएको सार्वजनिक विदा कायम नरहेको बेहोरा सम्वद्ध सबैको जानकारीका लागि अनुरोध छ,उल्लेखित सूचनामा जनाइएको छ ।
